पैसा फंडच्या रिषभ नरबेकरचे चित्र लाडोबा मासिकाचे मुखपृष्ठ

रिषभ नरबेकरचे चित्र
मासिकाच्या मुखपृष्ठावप
संगमेश्वर, ता. २० ः पैसाफंड इंग्लिश स्कूल संगमेश्वर या प्रशालेत ९वीमध्ये शिकणाऱ्या निढळेवाडी येथील रिषभ नरबेकर या विद्यार्थ्याने रेखाटलेल्या चित्राची पुणे येथील चपराक प्रकाशनच्या बालकुमारांसाठी असलेल्या लाडोबा या जानेवारी महिन्याच्या मासिकाचे मुखपृष्ठ म्हणून निवड केली आहे.
पैसाफंड इंग्लिश स्कूलने कलेची आवड असणाऱ्या विद्यार्थ्यांसाठी स्वतंत्र कलावर्ग आणि कलादालन हा उपक्रम सुरू केला. या उपक्रमाचा विद्यार्थ्यांना खूप मोठा फायदा होत आहे. कलासाधना चित्रकला वार्षिक, डिजिटल कलाशिक्षण, विविध प्रात्यक्षिके, कलाविषयक प्रोजेक्ट या सर्वांचा विद्यार्थ्यांना त्यांच्या भविष्यातील कलाशिक्षणासाठी उपयोग होत असतो. रिषभ हा नववीत शिकणारा विद्यार्थी असून, त्याची चित्रकला चांगली असल्यामुळे त्याच्या कलेवर विशेष लक्ष दिल्यानंतर त्याच्या कलेत अधिक प्रगती होत असल्याचे दिसून आले.