तालवाद्य वादन स्पर्धेमध्ये अमोल राऊळ यांचे यश
19049
तालवाद्य वादन स्पर्धेमध्ये
अमोल राऊळ यांचे यश
सकाळ वृत्तसेवा
सावंतवाडी, ता. २० ः शालेय शिक्षण व क्रीडा विभाग, राज्य शैक्षणिक संशोधन व प्रशिक्षण परिषद महाराष्ट्र, पुणे व जिल्हा शिक्षण व प्रशिक्षण संस्था, सांगली यांच्या वतीने शिक्षक व अधिकारी यांच्यासाठी आयोजित राज्यस्तरीय तालवाद्य वादन स्पर्धेत येथील मिलाग्रीस हायस्कूलचे तबला शिक्षक अमोल राऊळ यांनी प्रथम क्रमांक पटकावला.
या स्पर्धेत राज्यातील आठ विभागांतून ३५ स्पर्धक सहभागी झाले होते. राऊळ हे मिलाग्रीस प्रशालेत तबला शिक्षक म्हणून गेली पंधरा वर्षे कार्यरत असून ते तबला विशारद आहेत. संगीत क्षेत्रातील अनेक दिग्गजांना त्यांनी यापूर्वी तबला साथ केलेली आहे. मिलाग्रीस प्रशालेचेच संगीत शिक्षक स्वप्नील गोरे यांनी त्यांना संगीत साथ केली. त्यांच्या या यशाबद्दल प्रशालेचे मुख्याध्यापक फादर रिचर्ड सालदान्हा, पर्यवेक्षिका संध्या मुणगेकर, सर्व शिक्षक, व शिक्षकेतर कर्मचाऱ्यांनी त्यांचे अभिनंदन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.