देवगड किल्ल्यावर उद्या माघी गणेश जयंती उत्सव
19044
देवगड किल्ल्यावर उद्या
माघी गणेश जयंती उत्सव
सकाळ वृत्तसेवा
देवगड, ता. २० ः येथील किल्ला श्री गणपती मंदिर न्यासाच्या वतीने माघी गणेश जयंती उत्सवानिमित्त गुरुवारी (ता.२२) दिवसभर विविध कार्यक्रमांचे आयोजन करण्यात आले आहे. या उत्सवानिमित्ताने मंदिरात आज धार्मिक कार्यक्रम झाले.
यावेळी उद्योगपती नंदकुमार घाटे यांच्या हस्ते ब्रह्मवृदांचा सत्कार करण्यात आला. येथील किल्ला भागातील श्री गणपती मंदिरात गणेश जयंती साजरी केली जाणार आहे. यानिमित्त गुरुवारी (ता.२२) सकाळी ७ वाजता अभिषेक आणि पूजन, ८ वाजता श्री सत्यनारायण महापूजा, ११ वाजता भजने, दुपारी १२ वाजता महाप्रसाद, सायंकाळी ४ वाजता हळदीकुंकू, ४.३० वाजता मोर्वे येथील माऊली वारकरी दिंडी निर्मित ‘विठुरायाची पंढरी’ कार्यक्रम, सायंकाळी सातला रंजनप्रधान लोककला तमाशावर आधारित नाट्यप्रयोग ‘नाटक तमाशाचे’ हा कार्यक्रम होणार आहे. उत्सवाच्या निमित्ताने तयारी सुरू झाली आहे. आज धार्मिक कार्यक्रमांचे आयोजन करण्यात आले होते. यावेळी महाप्रसादाचे वाटप झाले. यावेळी श्री. घाटे यांच्यासह शिवराम निकम, गुरुनाथ वाडेकर उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.