निबंध स्पर्धेत तेजस्वी संगम प्रथम

swt225.jpg
19410
मळगाव ः खानोलकर वाचनालयात आयोजित निबंध स्पर्धेचे उद्घाटन करताना दत्ताराम सडेकर. बाजूला महेश खानोलकर, बाबली नार्वेकर, चंद्रकांत जाधव, सुभाष गवंडे, आनंद देवळी आदी.

निबंध स्पर्धेत तेजस्वी संगम प्रथम
मळगाव येथील स्पर्धा ः खानोलकर वाचनालयाचा उपक्रम
सकाळ वृत्तसेवा
सावंतवाडी, ता. २२ ः (कै.) प्रा. उदय रमाकांत खानोलकर वाचन मंदिरात दत्ताराम जी. सडेकर पुरस्कृत शालेय निबंध लेखन स्पर्धा नुकतीच पार पडली. या स्पर्धेत राणी पार्वती देवी हायस्कूल, सावंतवाडीची विद्यार्थिनी तेजस्वी संगम हिने प्रथम क्रमांक मिळविला.
​कार्यक्रमाचे उद्घाटन दीपप्रज्वलनाने करण्यात आले. यावेळी व्यासपीठावर वाचनालयाचे अध्यक्ष महेश खानोलकर, उपाध्यक्ष बाबली नार्वेकर, प्रमुख अतिथी दत्ताराम सडेकर व सुहासिनी सडेकर, चंद्रकांत जाधव, सुभाष गवंडे, आनंद देवळी आदी
उपस्थित होते. श्री. सडेकर यांनी विद्यार्थ्यांना आरोग्य चांगले राखण्यासाठी प्राणायाम करण्याचे व गुरुजनांचा आदर राखण्याचे आवाहन केले.
​स्पर्धेचा निकाल पुढीलप्रमाणे : तेजस्वी संगम (आरपीडी विद्यालय, सावंतवाडी) हिने प्रथम, वेदांती नवार (उभादांडा हायस्कूल, वेंगुर्ले) हिने द्वितीय, तर स्वराली गवस (मळगाव इंग्लिश स्कूल) हिने तृतीय क्रमांक मिळविला. योगिता राऊळ व वैभवी परब यांना उत्तेजनार्थ क्रमांक देण्यात आला. किशोर वालावलकर व विलास चव्हाण यांनी स्पर्धेचे परीक्षण केले.
​स्पर्धेतील विजेत्या स्पर्धकांना ३० जानेवारीला सकाळी १० वाजता ''स्व. प्राचार्य रमेश कासकर स्मृती कथाकथन'' स्पर्धेच्या उद्घाटनप्रसंगी होणाऱ्या पारितोषिक वितरण सोहळ्यात मान्यवरांच्या हस्ते होणार आहे. ​या कार्यक्रमाला संचालक हेमंत खानोलकर, बाळकृष्ण मुळीक यांच्यासह शिक्षक, पालक व विद्यार्थी उपस्थित होते. सूत्रसंचालन स्नेहा खानोलकर यांनी केले.