19653
सावंतवाडी मराठा हॉस्टेल
परिसरामध्ये अचानक आग
सकाळ वृत्तसेवा
सावंतवाडी, ता. २३ ः शहरातील शिरोडा नाका परिसरात मराठा हॉस्टेलच्या बाजूला असलेल्या गवताला आज सायंकाळी पावणेचारच्या सुमारास अचानक आग लागल्याची घटना घडली. वाळलेले गवत असल्याने आगीने रौद्ररूप धारण केले. मात्र, नागरिकांनी तात्काळ पालिकेचा अग्निशमन बंब घटनास्थळी बोलविल्याने आगीवर नियंत्रण मिळविण्यास यश मिळाले.
शिरोडा नाका येथील मराठा हॉस्टेलच्या नजिक असलेल्या मोकळ्या जागेत मोठ्या प्रमाणात गवत वाढले होते. आज सायंकाळी पाऊणेचारच्या सुमारास अचानक त्या गवतामधून आग लागल्याने आगीने क्षणाधार्थ रौद्ररूप धरण केले. हा प्रकार पाहून तेथील नागरिकांमध्ये काही काळ भीतीचे वातावरण निर्माण झाले. या परिसरात घरे असल्याने ग्रामस्थांनी खबरदारी घेत तात्काळ पालिकेच्या अग्निशमन बंबाला घटनास्थळी पाचारण केले. कर्मचाऱ्यांनी पाण्याच्या साह्याने आगीवर नियंत्रण मिळविले. मात्र, झालेल्या प्रकारामुळे त्या ठिकाणी मोठ्या प्रमाणात नागरिकांची गर्दी उसळली होती. नेमकी आग कशामुळे लागली, हे समजून शकले नाही. या घटनेची माहिती मिळताच नगरसेवक अजय गोंदावळे यांनी धाव घेतली वस्तुस्थितीची पाहणी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.