आयनल मणेरवाडीत माघी गणेश जयंती

swt2726.jpg
20245
आयनल ः मणेरवाडी येथे गणेश जयंतीदिनी केलेली आरास.

आयनल मणेरवाडीत
माघी गणेश जयंती
सकाळ वृत्तसेवा
नांदगाव, ता. २७ः अमर सेवा मंडळ आयनल मणेरवाडी व मुंबई यांच्या वतीने मणेरवाडी येथील श्री गणेश मंदिरात माघी गणेश जयंती उत्सव भक्तिमय वातावरणात झाला. बाप्पांच्या जयघोष, नामस्मरण व विद्युत रोषणाईने परिसर उजळून निघाला होता.
मंदिरात सकाळी श्री सत्यनारायण महापूजा, महाआरती, दुपारी तीर्थप्रसाद व महाप्रसादाचा कार्यक्रम झाला. सायंकाळी फनी गेम्स, स्थानिक भजने, रात्री स्थानिक महिलांच्या विविध कार्यक्रमांनी या सोहळ्याची रंगत वाढवली. माझी आई पावणाई वारकरी भजन मंडळ किंजवडे-परबवाडी यांच्या दिंडी भजनाने रसिकांची मने जिंकली. अमर सेवा मंडळाचे अध्यक्ष दिनकर मसुरकर, उपाध्यक्ष मनोहर चव्हाण, सचिव प्रवीण मेस्त्री, खजिनदार दीपक मेस्त्री व सर्व ग्रामस्थांनी उपस्थितांचे आभार व्यक्त केले.