-अच्युत आठल्ये यांचे नेत्रदान, देहदान

-rat28p12.jpg-
26O20515
रत्नागिरी ः देहदान केल्याचे प्रमाणपत्र स्वीकारताना आठल्ये कुटुंबीय
--------

अच्युत आठल्ये यांचे
नेत्रदान, देहदान
सकाळ वृत्तसेवा
रत्नागिरी, ता. २८ : येथील रहिवासी अच्युत शिवराम आठल्ये (वय ८९) यांचे निधन झाले. आठल्ये यांच्या इच्छेनुसार आठल्ये कुटुंबीयांनी मंगळवारी (ता. २७) नेत्रदान केले. त्यानंतर २८ जानेवारीला शासकीय वैद्यकीय महाविद्यालयात देहदानही केले. आठल्ये मूळचे लांजा तालुक्यातील शिपोशी गावचे. त्यांनी एल.आय.सी. मध्ये सलग ४० वर्षे सेवा बजावली. निवृत्तीनंतरही ते सामाजिक कार्यात सक्रिय होते. त्यांनी अनेक वाचनालयांना पुस्तके भेट देऊन ज्ञानप्रसाराचे कार्य केले.
देहदान प्रसंगी आठल्ये यांचे पुत्र जिल्हा आरोग्य अधिकारी डॉ. अनिरुद्ध आठल्ये, सून जिल्हा रुग्णालयाच्या वरिष्ठ वैद्यकीय अधिकारी डॉ. रश्मी आठल्ये, कन्या, जावई तसेच जिल्हा शल्यचिकित्सक डॉ. जगताप, अतिरिक्त जिल्हा शल्यचिकित्सक डॉ. कुमरे आणि जिल्हा परिषदेचे अनेक अधिकारी उपस्थित होते. रत्नागिरी शासकीय वैद्यकीय महाविद्यालयात पार पडलेले हे १७ वे देहदान आहे.