शिंदे शिवसेनेच्या प्रमोद सांगवेकरांची पक्षातून हकालपट्टी

20910

शिंदे शिवसेनेच्या
प्रमोद सांगवेकरांची
पक्षातून हकालपट्टी
कणकवली, ता. ३० : सांगवे (ता. कणकवली) शिवसेना शाखाप्रमुख प्रमोद सांगवेकर यांची शिंदे शिवसेनेतून सहा वर्षांसाठी हकालपट्टी करण्यात आली आहे. महायुतीच्या अधिकृत उमेदवाराविरोधात बंडखोरी केल्‍याने ही कारवाई केल्‍याचे शिवसेना कणकवली विधानसभाप्रमुख संदेश पटेल, तालुकाप्रमुख दामोदर सावंत यांनी आज जाहीर केले.
शिवसेनेतर्फे याबाबत प्रसिद्धीपत्रक दिले असून त्यात म्‍हटले आहे, की सांगवेकर हे शाखाप्रमुख म्‍हणून कार्यरत होते. त्‍यांनी पक्षाची कोणतीही परवानगी न घेता आणि वरिष्‍ठांच्या आदेशांचे उल्‍लंघन करून महायुतीच्या अधिकृत उमेदवाराविरोधात आपला उमेदवारी अर्ज हरकुळ बुद्रुक या जिल्‍हा परिषद मतदारसंघात दाखल केला आहे. ही कृती शिवसेनेच्या तत्त्‍वांना व शिस्तीला धरून नाही. त्‍यामुळे २७ जानेवारीपासून पुढील सहा वर्षांसाठी शिंदे शिवसेनेतून निलंबित करण्यात येत असल्‍यााचे नमूद केले आहे.