वेंगुर्ले रामेश्वर मंदिरात महाशिवरात्रोत्सवास प्रारंभ

swt1211.jpg
24074श्री रामेश्वर

वेंगुर्ले रामेश्वर मंदिरात
महाशिवरात्रोत्सवास प्रारंभ
सकाळ वृत्तसेवा
वेंगुर्ले, ता. १२ ः येथील ग्रामदैवत श्री देव रामेश्वर मंदिरात बुधवारपासून (ता. ११) महाशिवरात्री उत्सवाला प्रारंभ झाला. यादिवशी सकाळी उत्सवमूर्तीचे पूजन करण्यात आले. उद्या (ता. १३) सायंकाळी ७ वाजता येथील रामेश्वर दशावतार नाट्य मंडळाचा नाट्यप्रयोग, शनिवारी (ता. १४) सायंकाळी ७ वाजता दत्त प्रासादिक भजन मंडळ, कुबलवाडा यांचे भजन, रविवारी (ता. १५) सकाळी धार्मिक विधी, रात्री सातेरी मंदिरातून तरंगदेवतांचे आगमन, तरंग देवतांसह श्री रामेश्वराची पालखी व लालखी प्रदक्षिणा, तरंग देवतांकडून रथावर नारळ वाढवून रथ प्रदक्षिणेस सुरुवात होईल. रथ प्रदक्षिणेनंतर नाईक मोचेमाडकर दशावतार नाट्यमंडळाचा नाट्यप्रयोग होणार आहे. श्रींच्या दर्शनाचा आणि कार्यक्रमांचा लाभ घ्यावा, असे आवाहन श्री रामेश्वर देवस्थान ट्रस्टतर्फे करण्यात आले आहे.