मार्कंडीत रविवारी तबलावादन

मार्कंडीत रविवारी तबलावादन
चिपळूण : ज्येष्ठ तबलावादक पंडित अरविंद मुळगावकर यांच्या स्मृतीप्रीत्यर्थ सांघिक श्रद्धांजली कार्यक्रमाचे आयोजन रविवारी (ता. २२) दुपारी तीन वाजता मार्कंडी येथील रोहिदास भवन येथे करण्यात आले आहे. चिपळुणातील ढोलकीपटू यदुवीर चोगले यांनी या कार्यक्रमाचे आयोजन केले आहे. या संगीतमय कार्यक्रमात प्रथम सत्रात तबला सहवादन होईल. दुसऱ्या सत्रांमध्ये एकल तबलावादन होईल. यामध्ये पंडित अरविंद मुळगावकर यांचे शिष्य वैष्णव चव्हाण हे तबलावादन करतील. शास्त्रीय गायनामध्ये विदुषी श्रुती सडोलीकर काटकर यांच्या शिष्या धनश्री अभ्यंकर या गायन करतील. कार्यक्रमात संवादिनीवर अमित ओक व श्रेयस जंगम साथसंगत करणार आहेत. संगीतमय कार्यक्रमाला सर्वांनी उपस्थित राहावे, असे आवाहन करण्यात आले आहे.