-लोटे एमआयडीसी वसाहतीतील कर्मचाऱ्यांची तपासणी

-rat२१p८.jpg-
P२६O२६१७८
खेड ः तपासणी शिबिरात सहभागी लोटे पंचक्रोशीतील अंगणवाडी सेविका.
-----
लोटे एमआयडीसीतील कर्मचाऱ्यांची तपासणी
सकाळ वृत्तसेवा
खेड, ता. २१ : परशुराम रुग्णालय व संशोधन केंद्र आणि अमनोरा येस्स फाउंडेशनच्या सिटी ग्रुप (पुणे) यांच्या संयुक्त विद्यमाने लोटे एमआयडीसी परिसरातील कर्मचाऱ्यांसाठी आरोग्य तपासणी शिबिर घेण्यात आले.
शिबिरामध्ये सिप्ला कंपनीच्या सहकार्याने सातशे कर्मचाऱ्यांची ब्रीदोमेट्रिव्ह स्पायरोमेट्री (फुप्फुस कार्यक्षमता) तपासणी करण्यात आली तसेच आय ब्रेस्ट एक्जाम कंपनीकडून एमआयडीसीमधील महिला कर्मचाऱ्यांची तसेच अंगणवाडी सेविकांची ब्रेस्ट कॅन्सर तपासणी परशुराम रुग्णालयाचे उपकेंद्र येथे करण्यात आली. या सर्व तपासण्या मोफत करण्यात आल्या. आरोग्याबाबत जागरूकता वाढवण्याच्यादृष्टीने आयोजित करण्यात आलेल्या या शिबिराला कर्मचाऱ्यांचा उत्स्फूर्त प्रतिसाद लाभला. शिबिरासाठी परशुराम रुग्णालयाचे वैद्यकीय अधीक्षक डॉ. सचिन उत्पात, उपवैद्यकीय अधीक्षक डॉ. अनुपम अलमान, अमनोरा येस्स फाउंडेशनच्या सिटीग्रुपचे चीफ सोशल ऑफिसर विवेक कुलकर्णी यांनी सहकार्य केले.