-ताम्हाने परिसरावर सीसीटीव्हीची नजर

ताम्हाणे परिसरावर
सीसीटीव्हीची नजर
संगमेश्वर ः संगमेश्वर तालुक्यातील ताम्हाणे ग्रामपंचायतीने विद्यार्थी व ग्रामस्थांच्या सुरक्षिततेसाठी ताम्हाणे परिसरात सहा ठिकाणी सीसीटीव्ही कॅमेरे बसवले आहेत. त्यामुळे या परिसरातील हालचालींवर आता सीसीटीव्हीची करडी नजर असणार आहे. कोसुंब ते तुळसणी या मार्गाला ताम्हाणे, नांदळज, उजगाव, धामापूर, आंबवली, सांगवे, फणसट, कुडवली ही गावे जोडलेली आहेत. यातील ताम्हाणे हे गाव मध्यवर्ती ठिकाणी आहे. या मध्यवर्ती ठिकाणी शाळा, विद्यालय, बाजारपेठ, दवाखाना, पतपेढी, ग्रामपंचायत कार्यालय असल्याने विद्यार्थी, रुग्ण व नागरिकांची सतत ये-जा असते. हे लक्षात घेऊन गैरप्रकारावर आळा घालण्याबरोबरच अन्य घटनांवर लक्ष ठेवण्यासाठी ताम्हाणेफाटा (बाजारपेठ) येथे तीन, ताम्हाणे ग्रामपंचायत व विद्यालय परिसरात तीन असे एकूण सहा सीसीटीव्ही कॅमेरे बसवण्यात आले आहेत. यासाठी ग्रामपंचायतीने विशेष पुढाकार घेतला आहे.