कुंभार समाजातर्फे पुरस्कार

लोकप्रतिनीधींच्या सत्कारासह पुरस्कारांचे वितरण
चिपळूण ः चिपळूण तालुका कुंभार समाजाचा जाहीर मेळाव्याचे आयोजन शनिवारी (ता. २८) करण्यात आले आहे. यानिमीत्ताने कुंभार समाजातील नवनिर्वाचीत राजकीय लोकप्रतिनीधींचा गौरव केला जाणार आहे. तसेच कुंभार समाजात विशेष योगदान देणाऱ्या विविध मान्यवरांना पुरस्कार देऊन सन्मानीत केले जाणार आहे. कापसाळ येथील पाटीदार भवन येथे २८ रोजी सकाळी ९ वाजता हा मेळावा आयोजित केला आहे. मेळाव्याचे उद्‍घाटन महासंघाचे संस्थापक सतीश दरेकर यांच्याहस्ते होणार असून अध्यक्षस्थान कुंभार समाजाचे प्रदेशाध्यक्ष रमांकात क्षीरसागर भूषवणार आहेत. मेळाव्यात कुंभार समाजाच्या प्रगतीसाठी विशेष योगदान देणाऱ्या मान्यवरांचा पुरस्कार देऊन सन्मान केला जाणार आहे. यामध्ये सतीश दरेकर यांना समाजरत्न, सुनिल टेरवकर (सहकारभूषण), सुरेश बुरबाडकर ( व्यवसायभूषण), प्रकाश साळवी (समाजरत्न), तुकाराम साळवी (समाजभूषण), पूनमचंद भावसार (विद्याभूषण) यांचा समावेश आहे.