मालवण पंचायत समितीत भाजपच्या गटनेतेपदी सुर्वे

27766

मालवण पंचायत समितीत
भाजपच्या गटनेतेपदी सुर्वे

मालवण, ता. २८ : येथील पंचायत समितीच्या नुकत्याच झालेल्या निवडणुकीत निवडून आलेल्या भाजपच्या सदस्यांनी पंचायत समिती स्तरावर आपला अधिकृत पक्षीय गट स्थापन केला आहे. या गटनेतेपदी दीपक भागोजी सुर्वे यांची सर्वानुमते निवड करण्यात आली. या संदर्भातील अधिकृत पत्र आणि ठराव जिल्हाधिकारी तृप्ती धोडमिसे यांच्याकडे सादर केले.
२३ फेब्रुवारीला झालेल्या विशेष बैठकीत हा निर्णय घेतला होता. भाजपने आपल्या गटाची नोंदणी करताना गटाचे नाव ‘भारतीय जनता पार्टी पंचायत समिती मालवण’ असे निश्चित केले आहे. गटनेते दीपक सुर्वे (चिंदर), उपगटनेते श्रीमती योजना कांबळी (कोळंब), प्रतोद- दीपक सुर्वे, सदस्य- सीमा परुळेकर (आडवली मालडी), माधुरी मसुरकर (वराड), घन:श्याम झाड (वायरी भुतनाथ), संतोष गावडे (सुकळवाड), असे सदस्य आहेत. गट नोंदणीसाठी आवश्यक सर्व कागदपत्रे, ज्यात सभेची नोटीस, इतिवृत्त, निवडणूक प्रमाणपत्रे आणि प्रतिज्ञापत्रांचा समावेश आहे, ती प्रशासनाकडे सुपूर्द करण्यात आली.