सावंतवाडी पंचायत समिती भाजपच्या गटनेतेपदी धुरी

28995

सावंतवाडी पंचायत समिती
भाजपच्या गटनेतेपदी धुरी

सभापती, उपसभापती निवड सोमवारी

सकाळ वृत्तसेवा
सावंतवाडी, ता. ६ ः तालुका पंचायत समिती सभापती व उपसभापती निवड सोमवारी (ता. ९) होत असून, भाजपकडून गट स्थापन करण्यात आला आहे. गटनेतेपदी बिनविरोध निवडून आलेले महेश धुरी यांची निवड करण्यात आली आहे.
भाजपच्या पंचायत समिती सदस्यांकडून आज गट स्थापन करण्यात आला आहे. सभापती पद आरक्षित असल्याने ते शिवसेनेच्या वाट्याला गेले असून, भाजपकडून उपसभापतिपदी दावा‌ केला जाण्याची शक्यता आहे. या पार्श्वभूमीवर आज गट स्थापन करण्यात आला. यावेळी नवनिर्वाचित पंचायत समिती सदस्य प्राजक्ता केळूसकर, धनश्री मराठे, नेहा कांबळी, गौरव मुळीक, प्रशांत सुकी आदी उपस्थित होते.