राजापुरातील प्रभाग नऊमधील विकासकामांसाठी निधी

राजापुरात प्रभाग नऊमधील
विकासकामांसाठी निधी
राजापूर, ता. १३ ः राजापूर पालिकेचे प्रभाग ९ चे नगरसेवक व बांधकाम सभापती सुबोध पवार यांनी प्रभागातील विविध १४ महत्त्वपूर्ण विकासकामांसाठी तत्काळ निधी देण्यात येणार असल्याची ग्वाही आमदार किरण सामंत यांनी दिली. त्यामुळे प्रभाग ९ मधील विकासकामे मार्गी लागणार आहेत.
पवार यांनी निधीची मागणी केलेल्या कामांमध्ये प्रभाग ९ मधील धूतपापेश्वर मंदिराकडे जाणारा रस्ता कुळी घर ते निशाण घाटीरस्ता रूंदीकरण, मजबुतीकरण डांबरीकरण व काँक्रिटीकरण करणे, श्री देव धूतपापेश्वर मंदिराकडे जाणारा रस्त्याला पथदिवे बसवणे व सुशोभीकरण करणे, गुजराळी शाळा अंगणवाडी नवीन इमारत बांधकाम करणे, पूर्ण प्राथमिक शाळा गुजराळी इमारत दुरूस्त करणे, बागकाझी रस्ता पथदिवे बसवणे आदी कामे करण्यात येणार आहेत. या कामांना निधी मंजूर करून ही कामे मार्गी लावण्याची ग्वाही आमदार सामंत यांनी दिली आहे.