आंबवच्या अभियांत्रिकी महाविद्यालयात बीएस सिक्सवर प्रशिक्षण

‘आंबवच्या अभियांत्रिकी’त
बीएस सिक्सवर प्रशिक्षण
देवरूख, ता. १४ ः आंबव येथील प्रबोधन शिक्षण प्रसारक संस्था संचलित राजेंद्र माने अभियांत्रिकी व तंत्रज्ञान महाविद्यालयात ऑटोमोबाईल विभागाच्यावतीने विद्यार्थ्यांसाठी बीएस सिक्स या प्रगत उत्सर्जन मानकावर आधारित विशेष प्रशिक्षण कार्यक्रम झाला. शिबिरात ७२ विद्यार्थ्यांनी उत्स्फूर्त सहभाग नोंदवत आधुनिक इंजिन तंत्रज्ञानाचे धडे गिरवले.
शिबिराचे उद्‍घाटन संस्थेचे संस्थापक रवींद्र माने यांनी केले. या वेळी प्राचार्य डॉ. महेश भागवत, उपप्राचार्य व ट्रेनिंग अँड प्लेसमेंट विभागप्रमुख डॉ. अनिरुद्ध जोशी, सिंधुदुर्ग मेकॅनिक असोसिएशन (कणकवली शाखा) अध्यक्ष नितीन तावडे, संदीप पारकर, प्रशांत राणे आणि दशरथ चव्हाण आदी उपस्थित होते. प्राचार्य डॉ. महेश भागवत यांनी सांगितले की, २०२० पासून भारतात अनिवार्य करण्यात आलेल्या बीएस सिक्स मानकांमुळे वाहनांचे प्रदूषण लक्षणीयरित्या कमी होण्यास मदत होत आहे. या शिबिरामुळे विद्यार्थ्यांना या मानकांच्या विविध तांत्रिक पैलूंचे सखोल ज्ञान मिळेल.