खेडमध्ये विद्रोही मराठी साहित्य संमेलन

खेडमध्ये कोकण विभागीय
विद्रोही मराठी साहित्य संमेलन
सकाळ वृत्तसेवा
खेड, ता. १५ : चवदार तळे सत्याग्रहाच्या शताब्दी वर्षाला २० मार्चपासून सुरुवात होत असल्याच्या पार्श्वभूमीवर २९ मार्च रोजी शहरातील स्व. मीनाताई ठाकरे नाट्यगृहात कोकण विभागीय विद्रोही मराठी साहित्य संमेलनाचे आयोजन करण्यात आले आहे.
कोकण बुद्ध धम्म संघ एज्युकेशन फाऊंडेशन संस्था आयोजित संमेलन प्रा. प्रतिमा परदेशी यांच्या उपस्थितीत पार पडणार आहे. संमेलनाची संयोजन समितीही स्थापन करण्यात आली आहे. या समितीचे अध्यक्ष संजय कासारे, कार्याध्यक्ष रवीउदय जाधव, सचिव मोहिते, असून संजय काशिद, प्रा. बाबासाहेब कांबळे, नेत्रदीप तांबे विठोबा साळवी, मुख्य संघटक मोहन चव्हाण, अरूणकुमार मोरे, बाबाराम पवार, सहकार्यवाह भाऊसाहेब कांबळे, पूनम सालेकर, डी. ए. जाधव, राजेंद्र निकम, समीर पाष्टे, सिकंदर मुसा, सुनील जाधव, मेहबूब मोहिमतुले, जावेद शिरळकर, सदानंद काते, कृष्णा पाटील सहभागी आहेत. संमेलनाच्या यशस्वीतेसाठी विविध संघटना प्रयत्नशील आहेत. या संमेलनात बहुसंख्येने सहभागी व्हावे, असे आवाहन अनिल येसोडे यांनी केले आहे.