टेरवमध्ये शिमगोत्सवाची उत्साहात सांगता

शिमगोत्सवाची
टेरवमध्ये सांगता
चिपळूण : टेरव येथील श्री कुलस्वामिनी भवानी-वाघजाई देवस्थानचा शिमगोत्सव मोठ्या उत्साहात साजरा करण्यात आला. हुताशनी पौर्णिमेनिमित्त ग्रामस्थांनी होळी प्रज्वलित केली. ३ मार्चला पारंपरिक विधीनुसार होमपूजन व पालखी सोहळा पार पडला. पहाटे ढोल-ताशांच्या गजरात पालखीची प्रदक्षिणा घालून होम प्रज्वलित करण्यात आला व भाविकांना दर्शन देण्यात आले. सुवासिनींनी ओट्या भरून पूजा केली. रात्री पालखीचा छबिना विविध वाड्यांतून वाजतगाजत काढण्यात आला. विद्युत रोषणाई, रांगोळी, फटाक्यांची आतषबाजी व गुलाल उधळत ग्रामस्थांनी जल्लोषात स्वागत केले. संपूर्ण उत्सव भक्तिमय व उत्साहपूर्ण वातावरणात पार पडला.