रत्नागिरी- आर्ट सर्कलच्या वतीने गझल गायन स्पर्धेचे आयोजन

आर्ट सर्कलच्यावतीने
गझल गायन स्पर्धा
रत्नागिरी : आर्ट सर्कलतर्फे कै. नलिनी प्रताप कानविंदे यांच्या स्मृतीप्रित्यर्थ गझल गायन स्पर्धेचे आयोजन करण्यात आले आहे. ही स्पर्धा १८ ते ४० वर्षे वयोगटातील स्पर्धकांसाठी खुली असून मराठी, हिंदी किंवा उर्दू भाषेतील गझल स्वीकारली जाणार आहे. स्पर्धकांनी आपली गझल ध्वनिमुद्रित करून नाव, वय व राहण्याचे ठिकाण नमूद करत २ एप्रिलपर्यंत पाठवावी, असे आवाहन आयोजकांनी केले आहे. कराओके किंवा लाईव्ह कार्यक्रमातील रेकॉर्डिंग स्वीकारले जाणार नाही. तानपुरा, हार्मोनियम व तबला या वाद्यांच्या साथीनेच ध्वनिमुद्रण अपेक्षित आहे. प्राथमिक फेरीतून निवडलेल्या १० स्पर्धकांची यादी ९ एप्रिल रोजी जाहीर करण्यात येईल. अंतिम फेरी २६ एप्रिल रोजी रत्नागिरी येथे होणार आहे. या स्पर्धेचे परीक्षण आंतरराष्ट्रीय ख्यातीचे गझल गायक दत्तप्रसाद रानडे करणार आहेत. स्पर्धेत प्रथम १० हजार रु., द्वितीय ७ हजार रु. व तृतीय ५ हजार रु. अशी पारितोषिके तसेच सन्मानचिन्ह व प्रशस्तीपत्र देण्यात येणार आहे.