लक्ष्मी ऑर्गॅनिक कंपनीविरोधात ३६ ग्रामपंचायतींचा ठराव

लक्ष्मी ऑर्गेनिकविरोधात
२६ ग्रामपंचायतींचा ठराव
खेड, ता. १७ : खेड वसाहतीमधील लक्ष्मी ऑर्गेनिक कंपनीविरोधात स्थानिक स्तरावर आंदोलन तीव्र होत आहे. कंपनी बंद करण्याच्या मागणीसाठी आतापर्यंत ११ ग्रामपंचायतींनी ठराव मंजूर करून जिल्हाधिकारी यांना निवेदन दिले आहे. याशिवाय आणखी २६ ग्रामपंचायतींकडूनही ठराव तयार करण्यात आल्याची माहिती समोर आली आहे.
कंपनीचे प्रतिनिधी विविध ग्रामपंचायतींना भेट देऊन कंपनीमुळे कोणताही प्रदुषणाचा धोका नाही, असे पत्र मिळवण्याचा प्रयत्न करत असल्याचे सांगितले जात आहे. आंबडस गावचे सरपंच नितीन मोरे यांना भेट देऊनही अशाच प्रकारे पत्र मिळवण्याचा प्रयत्न झाल्याची माहिती त्यांनी १६ एप्रिलला झालेल्या आढावा बैठकीत ग्रामस्थांना दिली. यामुळे कंपनीकडून खोटा प्रचार केला जात असल्याचा आरोप कोकण नागरी संघर्ष समिती, लोटे पंचक्रोशी पर्यावरण संरक्षण समिती आणि स्थानिक ग्रामस्थांनी केला आहे. नागरिकांनी अशा अफवांना बळी पडू नये, असे आवाहन करण्यात आले आहे.