तेंडोली श्री अनलादेवीचा आजपासून वर्धापन दिन

swt2110.jpg
38692
श्री देवी अनलादेवी

तेंडोली श्री अनलादेवीचा
आजपासून वर्धापन दिन
सकाळ वृत्तसेवा
कुडाळ, ता. २१ ः तेंडोली-भोमवाडी येथील श्री देवी अनलादेवीचा वर्धापन दिन सोहळा २२ ते २४ एप्रिल या कालावधीत साजरा करण्यात येणार आहे. यानिमित्त विविध कार्यक्रमांचे आयोजन केले आहे.
उद्या (ता. २२) सकाळी ८ वाजता श्री जगदंबा अनलादेवी चरणी लघुरुद्राभिषेक, महापूजा, दुपारी १ वाजता नैवेद्य, प्रसाद, सायंकाळी ४ वाजता नितीन आसयेकर प्रस्तुत श्री भूमिका दशावतार मंडळ (मळगाव) यांचा नाट्यप्रयोग, ७ वाजता खुली रेकॉर्ड डान्स स्पर्धा, गुरुवारी (ता. २३) सकाळी ८ वाजता श्री देवी चरणी अभिषेक, ९ वाजता द्वादश पाठात्मक नवचंडी (पल्लवीत) कुमारीपूजन, कुष्मांड बळी, सांगता आशीर्वाद, दुपारी १ वाजता नैवेद्य, प्रसाद, सायंकाळी ५ वाजता रामकृष्ण हरी महिला भजन सेवा संघ (तेंडोली, बुवा-जुई राऊळ) यांचे भजन, ७ वाजता मोरेश्वर मंडळ (नेरुर) यांचे भजन, रात्री ८ वाजता श्री जैतीर कृपा मंडळ (तुळस-वेंगुर्ले) यांचे भजन, ९ वाजता विश्वकला मंच (सावंतवाडी) यांचा ''व्हरायटी शो'', शुक्रवारी (ता. २४) सकाळी ८ वाजता श्री अनलादेवी चरणी सार्वजनिक लघुरुद्र, अभिषेक, महापूजा, १० वाजता श्री सत्यनारायण महापूजा, आरती, नैवेद्य, गाऱ्हाणे, प्रसाद, दुपारी १.३० वाजता महाप्रसाद, सायंकाळी ५ वाजता स्नेहलदीप सामंत (वालावल-हुमरमळा) यांचे कीर्तन, ७.३० वाजता ग्रामस्थांची सुस्वर भजने, रात्री ९ वाजता पालखी प्रदक्षिणा, १० वाजता श्री नाईक मोचेमाडकर दशावतार मंडळ (मोचेमाड) यांचे नाटक होणार आहे. कार्यक्रमाचा लाभ घ्यावा, असे आवाहन श्री अनलादेवी सेवा मंडळ, तेंडोली-भोमवाडी यांनी केले आहे.