रायपाटणच्या सुरज नारकरची पोलीस दलात निवड

सूरज नारकर
पोलिस दलात
राजापूर ः तालुक्यातील रायपाटण येथील सूरज नारकर याची रत्नागिरी जिल्हा पोलिस दलात निवड झाली आहे. त्याने मिळवलेल्या यशाबद्दल रायपाटणवासीय आणि बागवाडी ग्रामस्थांनी सूरजची घोड्यावरून मिरवणूक काढत स्वागत केले. सूरजला सुरुवातीपासूनच पोलिस दलात भरती होऊन देशसेवा करण्याची प्रबळ इच्छा होती. त्याची आईदेखील रत्नागिरी पोलिस दलातच कार्यरत आहे. आईचा वारसा पुढे चालवण्यासाठी त्याने घेतलेल्या अपार कष्टांना अखेर यश आले असून, निवड प्रक्रियेनंतर त्याची जिल्हा पोलिस दलात नियुक्ती झाली आहे. सोमवारी (ता. २०) सायंकाळी सूरजचे रायपाटण येथे आगमन होताच फटाक्यांची आतषबाजी आणि ढोलताशांच्या गजरात त्याचे स्वागत करण्यात आले. ''होळीचा मांड'' ते ''बागवाडी'' दरम्यान सूरजची घोड्यावरून भव्य मिरवणूक काढण्यात आली.