-नाखरे-कालकरकोंड शाळेत दीपपूजा

-rat१३p२४.jpg-
26O57105
पावस ः नाखरे-कालकरकोंडवाडी शाळेत दीपपूजन करताना विद्यार्थी.
------
नाखरे-कालकरकोंड शाळेत दीपपूजा
पावस ः रत्नागिरी तालुक्यातील नाखरे-कालकरकोंड येथे आषाढ अमावस्येनिमित्त दीपपूजा हा विशेष कार्यक्रम झाला. या उपक्रमात शाळेतील विद्यार्थी तसेच महिला पालकांनी उत्स्फूर्त सहभाग घेतला. आषाढ अमावस्येला ‘दीप अमावस्या’ किंवा ‘दिव्यांची अमावस्या’ असे म्हटले जाते. तमाचा नाश करून ज्ञानाचा प्रकाश देणारा हा सण म्हणजे दीप अमावस्या, असा संदेश या उपक्रमातून विद्यार्थ्यांना देण्यात आला. चातुर्मासात शरीर आणि मनाला शिस्त लावण्यासाठी एखादा संकल्प करण्याची परंपरा आहे. चांगल्या सवयी अंगीकारणे, संयम पाळणे आणि मनाला सकारात्मक विचारांची दिशा देणे, हा या परंपरेमागील विचार विद्यार्थ्यांना समजावून सांगण्यात आला. या उपक्रमाचे आयोजन वैदेही जोशी, उमेश लिंगयत आणि अनंत कदम या शिक्षकांनी केले.