सातत्य, कौशल्यावर भर देऊन सक्षम बना

rat१७p२.jpg-
26O57709
रत्नागिरी : देव, घैसास, कीर महाविद्यालयात प्रमुख पाहुणे धनेश रायकर यांचे स्वागत करताना प्र. प्राचार्य मधुरा पाटील.

‘सातत्य, कौशल्यावर भर देऊन सक्षम बना’
रत्नागिरी : आत्मविश्वास, प्रामाणिकपणा, सातत्य आणि कौशल्य विकास यांवर भर देत बदलत्या काळानुसार स्वतःला सक्षम बनविण्याचे आवाहन करसल्लागार तथा भारत शिक्षण मंडळाचे सचिव धनेश रायकर यांनी केले.देव, घैसास, कीर वरिष्ठ महाविद्यालयात वाणिज्य विभाग आणि अंतर्गत गुणवत्ता हमी कक्षाच्या संयुक्त विद्यमाने व्यक्तिमत्त्व विकास व करिअर मार्गदर्शन या विषयावरील कार्यशाळेत ते बोलत होते. नाटेकर सभागृहात एक दिवसाची कार्यशाळा उत्साहात झाली. प्र. प्राचार्या मधुरा पाटील यांनी विद्यार्थ्यांनी अशा कार्यशाळांचा लाभ घेऊन स्वतःच्या व्यक्तिमत्त्वाचा सर्वांगीण विकास साधावा, असे आवाहन केले. या वेळी उपप्राचार्या प्रा. वसुंधरा जाधव, वाणिज्य विभाग प्रमुख प्रा. राखी जाधव, अंतर्गत गुणवत्ता हमी कक्ष समन्वयक प्रा. विनय बावदाने उपस्थित होते.
---