एसटीच्या धडकेत तरुणीचा मृत्यू

एसटीच्या धडकेत
तरुणीचा मृत्यू
रोहा : मुंबई-गोवा महामार्गावर कोलाडजवळील पुगाव येथील नम्रता ढाब्यासमोर एका एसटीने स्कूटरला पाठीमागून जोरदार धडक दिल्याने देवयानी किशोर गोळे (वय १९, रा. ऐनवहाळ, ता. रोहा) हिचा जागीच मृत्यू झाला आहे. मागे बसलेला तिचा भाऊ सुजल किशोर गोळे (१५) जखमी झाला आहे. गौरीपूजनानंतर देवयानी प्रथमच मामाकडे देवकान्हे येथे भाऊ सुजलसह चालली होती. त्याच वेळी खेडवरून मुंबईकडे जाणाऱ्या एका भरधाव एसटीने देवयानीच्या स्कूटरला मागून जोरदार धडक दिली. या भीषण धडकेत देवयानीचा जागीच मृत्यू झाला. कोलाड पोलिसांनी एसटीचालक जितेंद्र अवसरमल याला ताब्यात घेतले आहे.