ई-लुना : वाहतुकीचा सर्वोत्तम पर्याय

24155

वाढत्या इंधन खर्चावर
ई लुना उत्तम पर्याय
पुणे, ता. ५ : वाहतुकीसाठी इंधनाचा वाढता खर्च आणि परवडणाऱ्या वैयक्तिक वाहतुकीचा अभाव या समस्येवर कायनेटिक ग्रीनने ई-लुनाचा (इलेक्ट्रिक व्हेईकल) पर्याय उपलब्ध केला आहे. बाजारपेठेतील महागड्या इलेक्ट्रिक गाड्यांच्या तुलनेत अधिक स्टायलिश आणि मजबूत ई-लुना आर्थिकदृष्ट्या सुलभ आहे. प्रतिमहिना २ हजार ५०० रुपयांपेक्षा कमी हप्त्यात ती उपलब्ध होऊ शकते. सध्या सार्वजनिक वाहतुकीवर अवलंबून असलेल्या किंवा खासगी वाहन नसलेल्या लाखो लोकांसाठी उत्तम पर्याय आहे. केवळ ही कायनेटिक ग्रीन ई-लुना ७९ हजार ९९० रुपये (एक्स शोरूम पुणे किंमत) किमतीत उपलब्ध आहे. एका चार्जिंगमध्ये ही गाडी ११० किलोमीटर धावते. याचा खर्च १० पैसे प्रतिकिलोमीटर आहे. यासोबतच मजबूत बांधणीमुळे ई-लुना १५० किलोपर्यंतचा भार सहन करू शकत असल्याने दैनंदिन प्रवासापासून ते वितरणापर्यंत विविध गरजांसाठी हा एक व्यावहारिक पर्याय आहे. विशेष म्हणजे ई-लुना ही पाच वर्षांच्या विस्तारित वॉरंटीसह उपलब्ध आहे. समाजातील सर्व घटकांसाठी आर्थिक संधीची दारे खुली करणारी ई-लुना हे ईव्ही क्रांतीमधील भारताच्या आत्मनिर्भरता व क्षमतेचा पुरावा आहे. ई व्ही केवळ पर्यावरणाच्या दृष्टीने पूरक नसून आर्थिकदृष्ट्या सक्षम बनविणारीही असू शकते, हे ई-लुनाने सिद्ध केले आहे.