पतंजली कडून ''दंतकांति गंडूष ऑइल पुलिंग'' चे लोकार्पण

२९३४०-१
२९३४१

‘दंतकांति गंडूष ऑइल पुलिंग’चे
पतंजली आयुर्वेदकडून लोकार्पण
हरिद्वार, ता. ७ : पतंजली आयुर्वेद संस्थेने ‘दंतकांति गंडूष ऑइल पुलिंग’ या नव्या आयुर्वेदिक उत्पादनाचे हरिद्वार येथे अनावरण केले. या कार्यक्रमात स्वामी रामदेव, पतंजली आयुर्वेदचे आचार्य बालकृष्ण, इंडियन डेंटल असोसिएशनचे (उत्तराखंड शाखा) अध्यक्ष डॉ. राजीव बंसल, सचिव डॉ. विश्वजित वालिया आणि कोषाध्यक्ष डॉ. वैभव पाहवा यांची प्रमुख उपस्थिती होती.
स्वामी रामदेव यांनी सांगितले की, गंडूष ही आयुर्वेदातील एक प्राचीन दैनंदिन दंत प्रक्रिया असून, तिचा आधुनिक विज्ञानाच्या आधारावर नव्याने परिचय करून देण्याचा हा एक प्रयत्न आहे. पतंजली भारतीय संस्कृती, परंपरा आणि विज्ञान यांचे एकत्रित दर्शन संपूर्ण जगाला घडवत आहे. या पार्श्वभूमीवर पतंजलीचे हे नवे उत्पादन म्हणजे प्राचीन ज्ञानाचे नव्या पिढीशी नाते जोडणारे पाऊल आहे.
आचार्य बालकृष्ण म्‍हणाले, ‘‘दंतकांति गंडूष ऑइल पुलिंग ही एक वैज्ञानिक आणि चिकित्सा आधारित प्रक्रिया असून, ती आजच्या काळात अत्यंत आवश्यक आहे. यामध्ये तुम्बरू, लवंग, पुदीना, निलगिरी आणि तुळस यांसारख्या औषधी वनस्पतींचे तेल वापरले असून ते दातांच्या विविध समस्यांवर प्रभावी आहे.’’