कोकण रेल्वेत विना मास्क प्रवास केल्यास होणार कारवाई

रत्नागिरी : कोव्हिडचा वाढता प्रादुर्भाव रोखण्यासाठी प्रशासनाकडून अनेक पाऊले उचलली जात आहेत. कोकण रेल्वेच्या स्थानक परिसरात आणि प्रवासा दरम्यान मास्क न वापरणाऱ्या मंडळींवर कारवाई सुरू करण्यात आली आहे. कोरोना रोखण्यासाठी प्रशासन योग्य ती सर्व खबरदारी घेत आहे. या अनुषंगाने कोकण रेल्वेनेही कडक निर्बंधांची अंमलबजावणी सुरू केली आहे. 

ट्रेनमधून प्रवास करताना मास्क न वापरणाऱ्या मंडळीवर कारवाई सुरू झाली आहे. कोकण रेल्वेच्या मार्गावर धावणाऱ्या गाड्यांमध्ये तपासणी केली जात आहे. मास्क न वापरणाऱ्या मंडळींकडून प्रती व्यक्ती 500 रुपये दंड घेतला जात आहे. ट्रेनप्रमाणे स्थानिक परिसरातही मास्क न वापरणाऱ्यां विरोधात कारवाई सुरू करण्यात आली आहे. कोकण रेल्वेत सध्या आरक्षण असलेल्या प्रवाशांनाच प्रवेश दिला जात आहे. यामुळे कोकण रेल्वेतून प्रवास करणाऱ्या मंडळींना मास्कच्या वापरा बरोबरच कोरोना प्रतिबंधासाठीचे सर्व नियम पाळण्याचे आव्हान कोकण रेल्वेने केले आहे.

हेही वाचा - लग्नसराई, पाडव्याच्या खरेदीला लॉकडाउनचा फटका; रत्नागिरीत दिवसभरातील 8 कोटींंची उलाढाल ठप्प