बिबट्याच्या हल्ल्यात रत्नागिरी तालुक्यात दोन तरुण जखमी

बिबट्याच्या हल्ल्यात रत्नागिरी तालुक्यात दोन तरुण जखमी
Updated on: 

पावस - रत्नागिरी तालुक्यातील मावळंगे-जाधववाडी येथील दोन युवकावर बिबट्याने हल्ला केल्याने दोघेजण जखमी झाले. त्यांना रत्नागिरी शासकीय रुग्णालयात दाखल करण्यात आले आहे. त्यामुळे या बिबट्याच्या हल्ल्यामुळे परिसरात पुन्हा भीतीचे वातावरण निर्माण झाले आहे. योगेश विलास जाधव (वय 30) व विक्रांत दीपक जाधव (17) अशी जखमींची नावे आहेत.

याबाबत घटनास्थळावरून मिळालेली माहिती अशी की, मावळंगे - जाधववाडी येथील योगेश व विक्रांत हे दोघे नामजोशीमार्गे गणेशगुळे फाटा येथे व्यायामशाळेत जाण्यासाठी दुचाकीवरून जात होते. सकाळी पावणेसात वाजता घरापासून काही अंतरावर जंगल भागातून जात असताना बिबट्याने त्याचा पाठलाग केला. त्यात दोघांनाही बिबट्याने नखाने ओरबाडल्याने दोघेही जखमी झाले. ही घटना समजताच वाडीतील लोक घटनास्थळी दाखल झाले. बिबट्या त्याच परिसरात फिरत असल्याचे लोकांच्या निदर्शनास आले. ग्रामस्थांनी या जखमी युवकांना पावस प्राथमिक आरोग्य केंद्रात दाखल केले. तेथील वैद्यकीय अधिकारी संतोष कांबळे यांनी त्यांच्यावर उपचार करून त्यांना रत्नागिरी येथील शासकीय रुग्णालयात पाठवले.

या घटनेची माहिती वनविभागाला दिल्यानंतर रेंजर प्रियांका लगट, वनपाल रवी गुरव, वनरक्षक मिताली कुबल, वनपाल महादेव पाटील, मावळंगे सरपंच वेदिका गुळेकर, सामाजिक कार्यकर्ते सुहास शिंदे, प्राणिमित्र प्रदीप डिंगणकर यांनी घटनास्थळी जाऊन घटनेचा पंचनामा केला. 

यापूर्वीही कुर्धे, गणेशमुळे, मेर्वी या परिसरातील दुचाकीस्वारांवर बिबट्याचे हल्ले झाले आहेत. त्यातच आज पुन्हा मावळंगेतील दोन तरुणांवर हल्ला झाल्याने या परिसरात दिवसाही फिरणे मुश्कील झाले आहे.  वनविभागाने लावलेले सापळे यशस्वी ठरत नसल्याचे चित्र पहावयास मिळत आहे. यासंदर्भात वनविभागाने कायमस्वरूपी उपाययोजना करावी, अशी मागणी जोर धरू लागली आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

Kashedi Ghat gabion wall construction
Alibaug News Two Year Old Child Dies After Balloon Chokes Him While Traffic Congestion Delays Journey to Hospital
Black panther fell into well in Umroli
Anti Corruption Bureau action