अर्बनची स्थानिकांसाठी व्याज परतावा कर्ज योजना

चिपळूण अर्बनची बँकेची
व्याज परतावा कर्ज योजना

सकाळ वृत्तसेवा
चिपळूण, ता. १० ः चिपळूण अर्बन बँकेने स्थानिक उद्योजकांकरिता अण्णासाहेब पाटील आर्थिक मागास विकास महामंडळांतर्गत व्याज परतावा कर्जयोजना सुरू केली आहे. नवीन व्यवसाय उभारणीसाठी व व्यवसाय विस्तार, वाढीकरिता सदरच्या योजनेचा लाभ घेता येणार आहे, असे अध्यक्ष निहार गुढेकर यांनी सांगितले. या योजनेमध्ये केल्या जाणाऱ्या कर्जपुरवठ्याची मर्यादा १५ लाख असून परतफेडीचा कालावधी ८४ महिन्यापर्यंत राहाणार आहे. या योजनेचा लाभ घेण्याकरिता अण्णासाहेब पाटील आर्थिक मागास विकास महामंडळाचे पात्रता प्रमाणपत्र बंधनकारक आहे. या योजनेंतर्गत ४.५० लाखापर्यंत व्याजामध्ये परतावा अण्णासाहेब पाटील आर्थिक विकास महामंडळाकडून मिळत असतो. कर्ज हप्ते नियमित परतफेड ठेवण्याची जबाबदारी कर्जदारांची आहे, तरच व्याज परतावा मिळतो. या योजनेमध्ये कर्ज घेणाऱ्या ग्राहकांना बँकेच्या गुगल पे, फोनपे याचा लाभ मिळणार आहे. तसेच या योजनेकरिता इतर नियम व अटी लागू राहातील. अधिक माहितीसाठी बँकेच्या जवळच्या शाखेशी संपर्क करून या योजनेचा ग्राहकांनी लाभ घ्यावा, असे आवाहन अध्यक्ष गुढेकर यांनी केले आहे.