एसटी प्रवाशांंकडे 'हे' असेल तर पैसेही बाळगण्याची गरज नाही

सकाळ वृत्तसेवा
Tuesday, 7 January 2020

एसटीने प्रवास करताना ज्येष्ठांना तिकिटाच्या दरात सवलत देण्यात आली आहे. त्यामुळे शहरी, ग्रामीण भागांतील ज्येष्ठ नागरिकांचा बसद्वारे प्रवास करण्याकडे अधिक कल असतो. राज्य परिवहन महामंडळाने डिजिटलायझेशन स्वीकारून स्मार्ट कार्डची योजना अंमलात आणली आहे.

रत्नागिरी - जिल्ह्यातील 16,783 ज्येष्ठ नागरिकांसह विद्यार्थ्यांना स्मार्ट कार्डचे वाटप केले आहे. त्यामुळे ज्येष्ठांची प्रवासादरम्यान मतदान कार्ड, आधारकार्डापासून सुटका होणार आहे. या स्मार्ट कार्डला रिचार्ज केले तर प्रवाशांना प्रवासादरम्यान पैसेही बाळगण्याची गरज राहणार नाही. 
एसटी महामंडळाला खासगी वहातुकीचा फटका बसत आहे. प्रवाशांना एसटीकडे आकर्षित करण्यासाठी एसटी महामंडळामार्फत विविध योजना राबविण्यात येत आहेत. एसटीने प्रवास करणाऱ्या प्रवाशांना स्मार्ट कार्ड देण्यात येत आहे. 

एसटीने प्रवास करताना ज्येष्ठांना तिकिटाच्या दरात सवलत देण्यात आली आहे. त्यामुळे शहरी, ग्रामीण भागांतील ज्येष्ठ नागरिकांचा बसद्वारे प्रवास करण्याकडे अधिक कल असतो. राज्य परिवहन महामंडळाने डिजिटलायझेशन स्वीकारून स्मार्ट कार्डची योजना अंमलात आणली आहे. स्मार्ट कार्ड तयार करण्यासाठी ज्येष्ठांना 55 रुपये शुल्क आकारण्यात आले आहे. ऑनलाईन नोंदणीनंतर आधार कार्डशी लिंक करण्यात येणार आहे.

हेही वाचा - रद्द करा..रद्द करा..च्या घोषणांनी रत्नागिरी दणाणली

प्रवासाची माहिती एका क्लिकवर

त्यानंतर 10 ते 15 दिवसांत संबंधितांना स्मार्ट कार्ड आगारातून देण्यात येणार आहे. यामुळे ज्येष्ठ नागरिकांनी कोठे व किती किलोमीटरचा प्रवास केला, याची माहिती एका क्‍लिकवर महामंडळाकडे उपलब्ध होणार आहे. यापूर्वी ज्येष्ठांसाठी अर्ध्या तिकीट दरावर 4 हजार किलोमीटर प्रवासाची मर्यादा होती. मात्र, केवळ मतदानकार्ड, आधारकार्ड पाहून प्रवाशांना तिकिटे दिली जात होती. कोणी किती प्रवास केला, याची माहिती महामंडळाला मिळू शकत नव्हती. मात्र, आता ज्येष्ठ नागरिकांनी स्मार्ट कार्ड मशीनद्वारे स्वाईप करून प्रवास केल्यानंतर प्रवाशांच्या किलोमीटरची माहिती महामंडळाकडे संकलित होणार आहे. 

हेही वाचा - सिधुदुर्गात पर्यटनासाठी जाणार आहात, मग हे जरूर वाचा...

वर्षाच्या आत मर्यादा संपली तर.. 

वर्षाच्या आत 4 हजार किलोमीटरची मर्यादा संपली, तर मात्र संबंधित ज्येष्ठ नागरिकाला तिकिटाचा पूर्ण दर देऊन प्रवास करावा लागणार आहे. रत्नागिरी जिल्ह्यातील 16,783 ज्येष्ठ नागरिकांना स्मार्ट कार्डचे वाटप करण्यात आले आहे. 

तालुका निहाय स्मार्ट कार्ड वाटप असे 

तालुका..................स्मार्ट कार्ड 
दापोली...................2133 
खेड.......................1567 
चिपळूण.................2440 
गुहागर...................2027 
देवरुख...................2590 
रत्नागिरी...............1520 
लांजा.....................1724 
राजापूर..................1177 
मंडणगड................1605  

 
 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Use Of Smart Card Helps To Travel Without Money Ratnagiri Marathi News