Vidhan Sabha 2019 : भाजपच्या नितेश राणेंविरोधात शिवसेनेने दिला उमेदवार

कणकवली - शिवसेनेने कणकवली विधानसभा मतदार संघात भाजपच्या नितेश राणेंविरोधात सतीश सावंत यांच्या रूपाने उमेदवार दिला आहे. श्री. सावंत यांनी एबी फॉर्मसह उमेदवारी अर्ज दाखल केला. शिवसेनेचे संपर्क प्रमुख अरूण दुधवडकर व सावंत यांनी तसे स्पष्ट केले. 

येथे काल भाजपने शिवसेनेचे पारंपारीक शत्रूत्व असलेल्या नारायण राणे यांचे पुत्र नितेश यांना उमेदवारी जाहीर केली होती. यानंतर शिवसेनेकडून उमेदवार देण्याच्या हालचाली सुरू झाल्या. राणेंच्या स्वाभिमान पक्षाला सोडचिठ्ठी दिलेले जिल्हा बँकेचे अध्यक्ष सतीश सावंत यांना येथून उमेदवारीची शक्यता होती. आज दुपारी याबाबतच्या हालचाली अधिक तिव्र झाल्या. काही वेळापूर्वीच शिवसेनेच्या एबी फॉर्मसह सावंत यांनी अर्ज दाखल केला. यामुळे कणकवलीची लढत तुल्यबळ आणि चुरशीची होण्याची चिन्हे आहेत.