मतदानाचा हक्क बजावण्यासाठी तो आला ऑस्ट्रेलियामधून

अमित गवळे
बुधवार, 24 एप्रिल 2019

निवडणूकीचा टक्का वाढला पाहिजे. आपला संविधानिक हक्क बजावून आपले प्रश्न मांडणारा व आपल्या मागण्या पुर्ण करणारा योग्य उमेदवार निवडून दिला पाहिजे. आपल्या अधिकार व कर्तव्यांबाबत सगळ्यांनी जागृत रहावे. प्रत्येकाने मतदानासाठी पुढाकार घेतला पाहीजे. त्यासाठी माझ्या परिने जनजागृती करत आहे.
- पंकज अशोक सोनटक्के, ऑस्ट्रेलिया

पाली : रायगड लोकसभा मतदार संघाची निवडणूक मंगळवारी (ता. २३) संपन्न झाल्या. यावेळी संविधानाने दिलेल्या मताधिकाराचा हक्का बजावण्यासाठी रोहा तालुक्यातील कोलाड येथील पंकज अशोक सोनटक्के हा तरुण खास ऑस्ट्रेलियामधून आला होता. मतदानाचा टक्का वाढावा, योग्य उमेदवाराला मतदान करुन संविधानीक हक्क बजावावा या उद्देशाने पंकज मतदानासाठी इतक्या दुरुन आला होता.

मॅकॅनिकल इंजिनियर (बीटेक) असलेले पंकज मागील दोन वर्षांपासून कामानिमित्त ऑस्ट्रेलियात आहेत. तेथील साईनक्राफ्ट या कंपनीत प्रोजेक्ट मॅनेजर या पदावर काम करतो. ते रोहा तालुक्यातील कोलाडचे मुळ रहिवासी आहेत. येथे त्यांचे आईवडील मोठा भाऊ आणि वहिणी राहतात. निवडणूका म्हणजेच मतदान पाच वर्षातून एकदा येते. या वेळी मतदानाची तारीख जाहिर झाल्यावर निवडणूकिला यायचे ठरविले आणि त्यानुसार विमानाचे टिकीट काढुन नियोजन केले होते असे पंकज यांनी सकाळला सांगितले.

प्रत्यक्ष मतदान करण्यात वेगळी मजा आहे. मतदानाचा प्रत्येकाने हक्क बजावला पाहीजे. जे काही आपले प्रश्न व मागण्या असतील ते या एका दिवशी मतदान न करता योग्य व्यक्ती निवडून दिला नाही तर ते प्रश्न व मागण्या मार्गी लागू शकत नाहीत. या दिवशी आपले अधिकार आणि कर्तव्याशी प्रमाणिक राहुन जबाबदारीने मतदान करुन योग्य व्यक्ती निवडून दिला तर आपल्याला पुढचे पाच वर्षे कुठलाच त्रास होणार नाही व आपले प्रश्न, गरजा व मागण्या निश्चित सुटू शकतात इतक्या दुरवरून येण्याची हिच माझी भुमिका होती असे पंकज म्हणाला. अशा प्रकारे आपला हक्क व जबाबदारी बजावून पंकजने देशभक्तीच दाखवून दिली आहे.

निवडणूकीचा टक्का वाढला पाहिजे. आपला संविधानिक हक्क बजावून आपले प्रश्न मांडणारा व आपल्या मागण्या पुर्ण करणारा योग्य उमेदवार निवडून दिला पाहिजे. आपल्या अधिकार व कर्तव्यांबाबत सगळ्यांनी जागृत रहावे. प्रत्येकाने मतदानासाठी पुढाकार घेतला पाहीजे. त्यासाठी माझ्या परिने जनजागृती करत आहे.
- पंकज अशोक सोनटक्के, ऑस्ट्रेलिया

Web Title: Voters came all the way from Australia to cast vote in Raigad Loksabha Constituency