पाली - वाढत्या उन्हात पाण्यासाठी वन्यजीवांची भटकंती होत आहे. असेच पाण्याच्या शोधामध्ये सुधागड तालुक्यातील वाकणवाडी गावातील बस स्टॉप जवळील एका जुन्या पडक्या विहिरीमध्ये गुरुवारी (ता. 3) दोन रानडुकरांची पिल्ले पडली होती.
वनविभाग, स्थानिक वन्यजीव रक्षक व सह्याद्री वन्यजीव रक्षणार्थ सामाजिक संस्था यांनी रानडुकरांच्या पिल्लांना शिताफिने पकडून सुखरूप नैसर्गिक अधिवासात सोडून दिले.
ही विहीर खोल असून विहिरीचे पाणी देखील आटले आहे. त्यामुळे या रानडुकराच्या पिलांना तेथून बाहेर पडणे अशक्य होते. पालीतील वन्यजीव रक्षक शंतनू लिमये यांना रविराज परदेशी यांनी विहिरीमध्ये रानडुकराची पिल्ले पडली असल्याची माहिती दिली.
त्यानंतर शंतून लिमये व अमित निंबाळकर त्या ठिकाणी गेले मात्र विहीर खोल असल्याने आणि साधन उपलब्ध नसल्याने त्यांनी वनविभाग कर्मचारी संदीप ठाकरे व अविनाश पाटील तसेच सह्याद्री वन्यजीव रक्षणार्थ सामाजिक संस्थेच्या सदस्यांना बोलावले. आणि त्यांनी या रानडुकरांना सुखरूप बाहेर काढले व नैसर्गिक अधिवासात सोडून दिले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.