यंदा रामाचा पाळणा सजलाच नाही,पालखीही राहीली रिकामी....

साडवली (रत्नागिरी) :कोरोनामुळे गर्दी टाळण्यासाठी सण,उत्सवाला बंदी असल्याने देवालये यातुन सुटले नाहीत.गुरुवारी रामजन्मोत्सव असुनही रामाचा पाळणा सजलाच नाही व प्रदक्षिणेची पालखीही रिकामी राहीली.राम जन्मला ग सखे राम जन्मला हे गीतही कुठे ऐकु आले नाही.

हेही वाचा- आपण खरंच कामासाठी बाहेर पडता का...? शहराला धोक्यात आणता का..?

देवरुख वरची आळी येथील श्री रघुपती मंदिरात गुढीपाडव्यापासुन भोवत्या,आरत्या,पालखी प्रदक्षिणा असे रामजन्मोत्सवापर्यंत सुरु असते.रामनवमीला रामजन्मोत्सवाचे कीर्तन,रामजन्म,सजवलेला पाळणा तसेच सुवासिंनीनी रामाला जोजवणे,कानात कुर्र करणे असे सर्व होत असते.केशव साने,चंद्रशेखर साने,शैलेश साने,वासुदेव साने,प्रमोद साने ,असा साने परीवार येथील मानकरी आहेत.त्यांच्या प्रमुख उपस्थितीत हे सर्व विधी होत असतात.

हेही वाचा- चिपळूण, खेड एमआयडीसीचा पुढाकार ; 1 कोटी 52 लाखाची मदत..

मंदिराच्या इतिहासात प्रथम ही गोष्ट घडली.​

संध्याकाळी श्रीरामांची पालखी शहरातुन प्रदक्षिणा घालण्यासाठी फिरवली जाते.राञी करमणुकीचे कार्यक्रम होतात माञ यंदा कोरोनामुळे लाॅकडाउन प्रक्रियेमुळे यातले काहीच झाले नाही.फक्त मुर्तीपुजा केली गेली.मंदिराच्या इतिहासात प्रथम ही गोष्ट घडली.यावर्षी घरी बसुनच भाविकांनी रामनाम जप,रामरक्षा म्हणुन रामनवमी साजरी केली.