यंदाचा भाता दर २२०० रुपये ; रत्नागिरीत भात खरेदी केंद्रे सुरु

कुडाळ (सिंधुदुर्ग) : जिल्ह्यात आजपासुन भात खरेदी केंद्रे सुरू होणार असून भातासाठी २२०० रुपये दर निश्‍चित झाला आहे. आमदार वैभव नाईक यांच्या पाठपुराव्याला यश आले आहे.

पणन हंगाम २०२०-२१ मध्ये किमान आधारभूत किंमत खरेदी योजनेअंतर्गत जिल्ह्यातील भात खरेदीसाठी प्रत्येक तालुक्‍यात शेतकरी संघ आणि सोसायटीच्या ठिकाणी भात खरेदी केंद्रे निश्‍चित केली आहेत. येथील बजाज राईस मिलमार्फतही थेट शेतकऱ्यांकडून भाताची खरेदी करण्यात येणार आहे. उद्यापासून ही भात खरेदी केंद्रे सुरू होणार आहेत. भातासाठी २२०० रुपये दर देण्यात येणार आहे.

हेही वाचा - यंदाचा हापूस हंगाम लांबणीवरच ? -

भाताची साठवणूक करण्यासाठी मार्केटिंग फेडरेशनने २० हजार बारदाने जिल्ह्यात पाठविली आहेत. आमदार नाईक यांनी यावर्षी लवकरात लवकर भात खरेदी केंद्रे सुरू करण्याचे आश्‍वासन शेतकऱ्यांना दिले होते. खासदार विनायक राऊत, पालकमंत्री उदय सामंत, जिल्हाधिकारी के. मंजूलक्ष्मी व शासनस्तरावर त्यांनी याबाबत पाठपुरावा केला होता. त्याला यश आले आहे. जिल्हाधिकारी के. मंजूलक्ष्मी यांनी जिल्ह्यातील भात खरेदीसाठी भात खरेदी केंद्रे निश्‍चित केली आहेत.

शेतकऱ्यांकडून भात खरेदीची कार्यवाही करण्याचे आदेश त्यांनी दिले आहेत. येथील बजाज राईस मिलने गत वर्षी जिल्हा मार्केटिंग फेडरेशन कडून भात खरेदी केले होते. त्यासाठी वेळ लागत होता. बजाज राईस मिलने थेट शेतकऱ्यांमार्फत  भात खरेदी केंद्र सुरू करण्यासाठी आमदार वैभव नाईक यांनी 
प्रयत्न केले होते. त्याला देखील मान्यता देण्यात आली आहे.आता  बजाज राईस मिलमाफत खरेदी केंद्रे निश्‍चित करण्यात आली असून थेट शेतकऱ्यांकडून भाताची खरेदी करण्यात येणार आहे. 

हेही वाचा - फक्त वीस सेकंद, पाच गवे आणि दहा फुट अंतर ; हुशारीमुळेच वाचला जीव -

जिल्ह्यातील भात खरेदी केंद्रे

- कुडाळ तालुका ः कुडाळ , माणगाव, घोटगे, कडावल, कसाल, निवजे, पणदूर, पिंगुळी एमआयडीसी, आंब्रड, हिर्लोक, आरोस.
- मालवण ः पेंडूर, आचरा, चौके, कट्टा, विरण.
- सावंतवाडी ः सावंतवाडी शहर, मळगाव, मडूरा, तळवडे, डेगवे, कोलगाव, मळेवाड इन्सुली.
- दोडामार्ग ः दोडामार्ग शहर, भेडशी.
- वेंगुर्ले ः वेंगुर्ले शहर, शिरोडा, म्हापण, वेतोरे, तुळस.
- कणकवली ः कणकवली शहर, कनेडी, फोंडा, तळेरे,     खारेपाटण.
- देवगड ः देवगड शहर, पडेल, पाटगाव, शिरगाव.
- वैभववाडी ः वैभववाडी शहर, आचिर्णे.

संपादन - स्नेहल कदम