World Cup Stage-1: भारताकडे दोन सुवर्णपदक; तरुणदीप-रिद्धीने तीरंदाजीत मारली बाजी

अंताल्या : तिरंदाजी विश्वचषक स्टेज-1 च्या((Archery World Cup Stage 1) रिकर्व्ह मिश्र सांघिक स्पर्धेत भारताच्या तरुणदीप रॉय आणि रिद्धी फोर यांनी सुवर्णपदक जिंकले आहे. रविवारी अंटाल्या (तुर्की) येथे झालेल्या अंतिम सामन्यात भारतीय जोडीने ग्रेट ब्रिटनचा पराभव केला. पहिल्यांदा जोडी म्हणून खेळताना, दोन वेळचे ओलिंपियन राय आणि तरुण रिद्धी ०-२ आणि नंतर २-४ ने पिछाडीवर होते पण भारतीय तोडीने संयम राखला 5-4 (35-37, 36-33, 39-40, 38-37). त्यानंतर शूटऑफमध्ये भारतीय जोडीने 18-17 असा विजय मिळवला.(Roy And Ridhi Phor Win Gold Medal)

भारतीय जोडीने सुरुवातीचा सेट 35-37 असा गमावला, परंतु ब्रिओनी पिटमन आणि अॅलेक्स वाईज या ब्रिटीश जोडीने दुसऱ्या सेटमध्ये खराब फटकेबाजी करत भारतीय खेळाडूंनी दुसरा सेट 36-33 असा जिंकला. यानंतर ब्रिटीश तिरंदाजांनी पुनरागमन करत तिसरा सेट ४०-३९ असा जिंकला. अंतिम सेटमध्ये चुकीचा फटका ब्रिटीश तिरंदाजांना महागात पडला, त्यामुळे भारतीय संघाने अंतिम सेट 38-37 असा जिंकला आणि सामना शूट-ऑफमध्ये आणला. शूट-ऑफमध्ये, भारतीयांनी 2-9 केले, तर ब्रिटीश खेळाडू 9 आणि 8 ठोकू शकले.

तिरंदाजी विश्वचषक स्टेज-I मधील भारताचे हे दुसरे सुवर्णपदक आहे. याआधी अभिषेक वर्मा, रजत चौहान आणि अमन सैनी यांच्या पुरुष कंपाउंड संघालाही सुवर्णपदक जिंकण्यात यश मिळाले होते. अंतिम फेरीत भारतीय त्रिकुटाने जीन-फिलिप बौल्च, क्वेंटिन बेरियर आणि अॅड्रियन गोंटियर या फ्रेंच त्रिकुटाचा एका गुणाने पराभव केला. तसे अंतिम फेरीत भारतीय त्रिकुटाची सुरुवात चांगली झाली नाही आणि पहिल्या फेरीत ते ५६-५७ असे मागे राहिले.

दुसऱ्या फेरीत फ्रान्सने 60 आणि भारताने 59 स्कोर केल्या आणि 113-116 अशी आघाडी घेतली. त्यानंतर तिसऱ्या फेरीत भारताने 60 स्कोर केल्या आणि तिसरा सेट 60-58 असा जिंकला. चौथ्या आणि शेवटच्या फेरीत भारताने 59 आणि फ्रान्सने 57 स्कोर केल्या, त्यामुळे भारतीय संघाने फ्रान्सला मागे टाकले. सामना संपल्यानंतर भारताची स्कोरसंख्या 173 तर फ्रान्सची 174 अशी होती.