Video : बटलरचा विकेटमागे जबरदस्त शो; कॅच एकदा बघाच

The Ashes, 2021-22 Australia vs England, 2nd Test Day 4 :अ‍ॅशेस मालिकेतील दुसऱ्या कसोटी सामन्यातील चौथ्या दिवसाच्या खेळात इंग्लंडच्या गोलंदाजांनी दमदार सुरुवात केलीये. ऑस्ट्रेलियाने 50 धावांच्या आत तिसरी विकेटही गमावलीये. डेव्हिड वॉर्नरच्या रुपात ऑस्ट्रेलियाने तिसऱ्या दिवसाअखेरच पहिली विकेट गमावली होती. 1 बाद 45 धावांवरुन ऑस्ट्रेलियाने चौथ्या दिवशीच्या खेळाला सुरुवात केली. मायकल नेसेर Michael Neser 3(13) रुपात जेम्स अँडरसनने (James Anderson) ऑस्ट्रेलियाला दुसरा धक्का दिला. त्याच्या पाठोपाठ स्टुअर्ट ब्रॉडने (Stuart Broad) मार्कस हॅरिसला (Marcus Harris) तंबूत धाडले. धावफलकावर 48 असताना ऑस्ट्रेलियाने तिसरी विकेट गमावली. विकेटमागे जोस बटरलने (Jos Buttler) कमालीची चपळाई दाखवून दिली. त्याने अप्रितम झेल टिपत संघाला यश मिळवून देण्यात मोलाचा वाटा उचलला.

जोस बटलर एवढ्यावर थांबला नाही. स्टिव्ह स्मिथचाही (Steven Smith) त्याने अप्रतिम झेल टिपला. ओली रॉबिन्सनने (Ollie Robinson) स्मिथच्या रुपात इंग्लडला चौथे यश मिळवून दिले. 55 धावांवर ऑस्ट्रेलियाने चौथी विकेट गमावली आहे.

चौथ्या दिवसाचा पहिला एक तास इंग्लंडटच्या गोलंदाजांनी गाजवला. ऑस्ट्रेलियाने तासाभरात 14 धावा करुन 3 विकेट गमावल्या आहेत. गोलंदाजीतील धार कायम ठेवून इंग्लंडचा संघ लवकरात लवकर ऑस्ट्रेलियाचा डाव आटोपण्यासाठी प्रयत्नशील असेल. ऑस्ट्रेलियाने 300 + टार्गेट सेट केले आहेत. त्यामुळे ऑस्ट्रेलियाला विजयाची अधिक संधी आहे.