नोएडा, ता. १२: कर्णधार अस्लम इनामदारच्या गैरहजेरीत चढाईच्या आघाडीवर अपयशी ठरलेल्या पुणेरी पलटणला प्रो-कबड्डीच्या ११व्या पर्वात मंगळवारी दबंग दिल्लीवर १२ गुणांची आघाडी टिकवता आली नाही.
आशू मलिकच्या तुफानी चढायांनी एकवेळ भक्कम असलेला पुणेरी पलटणचा बचावही फिका पडला आणि सामना नाट्यमय कलाटणी घेत ३८-३८ असा बरोबरीत राहिला. पायाच्या दुखापतीमुळे अस्लम इनामदार उर्वरित लीगमध्ये खेळू शकणार नाही. याचा फटका पुणेरी पलटणला निश्चित बसला.