Asia Cup 2022 : लंकेवर पैशांचा पाऊस! जाणून घ्या, कोणाला-किती मिळाले | Sakal
sakal

बोलून बातमी शोधा

Asia Cup 2022

Asia Cup 2022 : लंकेवर पैशांचा पाऊस! जाणून घ्या, कोणाला-किती मिळाले

Asia Cup 2022 : आशिया कपच्या फायनलमध्ये श्रीलंकेने पाकिस्तानचा 23 धावांनी पराभव करत विजयाचा षटकार मारला. श्रीलंकेने आशिया कपवर सहाव्यांदा नाव कोरले. या विजयासाठी श्रीलंकेला मोठी बक्षीस रक्कम मिळाली आहे. बीसीसीआयचे अध्यक्ष सौरव गांगुली यांनी 1.5 लाख डॉलर्सचा धनादेश कर्णधार दासुन शनाकाकडे सुपूर्द केला. यासोबतच 'प्लेअर ऑफ द मॅच' आणि 'प्लेअर ऑफ द सिरीज'सह अनेक खेळाडूंना बक्षीस मिळाले आहेत.

हेही वाचा: SL vs PAK : लंका जिंकली कशी; भारताने 'या' सिंहांकडून काय शिकावे?

श्रीलंकेने फायनलमध्ये पाकिस्तानचा पराभव केल्यानंतर संघाला 1.5 लाख डॉलरचा चेक देण्यात आला. भारतीय रुपयानुसार 1.2 कोटी इतकी रक्कम आहे. वानिंदू हसरंगा याला 'प्लेअर ऑफ द सिरीज' म्हणून गौरविण्यात आले आहे. त्याला 15 हजार डॉलरचा धनादेश देण्यात आला. भारतीय रुपयानुसार हे सुमारे 12 लाख रुपये आहे. भानुका राजपक्षेला अंतिम सामन्यासाठी 'प्लेअर ऑफ द मॅच' म्हणून गौरविण्यात आले. राजपक्षे यांना ५ हजार डॉलर्सचा धनादेश देण्यात आला. तर सामन्यातील सर्वोत्तम झेलसाठी 3 हजार डॉलर्सचा धनादेश देण्यात आला. पाकिस्तानचा संघ या स्पर्धेत दुसऱ्या स्थानावर राहिला. पाकला बक्षीस म्हणून 75 हजार डॉलर (सुमारे 60 लाख रुपये) देण्यात आले आहे.

हेही वाचा: VIDEO : 'सुपरस्टार टीम' म्हणत गंभीरनं फडकावला लंकेचा झेंडा!

फायनलमध्ये पाकिस्तानने नाणेफेक जिंकून प्रथम श्रीलंंकेला फलंदाजीला पाचारण केले. मात्र पाकिस्तानच्या भेदक माऱ्यासमोर श्रीलंकेची अवस्था 5 बाद 58 अशी झाली. मात्र त्यानंतर वानुंदू हसरंगा आणि भानुका राजापक्षेने आक्रमक फलंदाजी करत श्रीलंकेला 150 धावांच्या पार पोहचवले. हसरंगाने 21 चेंडूत आक्रमक 36 धावा केल्या. तर भानुका राजापक्षेने 45 चेंडूत नाबाद 71 धावांची झुंजार अर्धशतकी खेळी कले. त्याच्या या खेळीच्या जोरावर श्रीलंकेने पाकिस्तानसमोर 171 धावांचे आव्हान ठेवले. लंकेच्या 171 धावांच्या आव्हानाचा पाठलाग करताना पाकिस्तानचा डाव 147 धावांत संपुष्टात आला.

Web Title: Asia Cup 2022 Sl Vs Pak Winner Sri Lanka Cricket Team Prize Money Sports

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..