Asian Para Games 2023 : हँगझोऊ आशियाई पॅरा गेम्समध्ये भारतीय खेळाडूंची यशस्वी कामगिरी कायम आहे. यासोबत भारतीने पदाकांचे अर्धशतक पूर्ण केले आहे. भारतासाठी अंकुर धामा आणि रक्षिता राजू यांनी पुरुष आणि महिलांच्या 1500 मीटर T11 स्पर्धेत सुवर्ण पदकाला गवसणी घातली. भारत सध्या 13 सुवर्ण, 17 रौप्य आणि 20 कांस्य पदकांसह 50 पदकांसह पाचव्या स्थानावर आहे.
सुमित अँटीलने बुधवारी चीनमधील हांगझोऊ येथे सुरू असलेल्या आशियाई पॅरा गेम्समध्ये पुरुषांच्या भालाफेक F64 स्पर्धेत आपल्या सुवर्णपदकाचा यशस्वीपणे बचाव केला. तर पुरुषांच्या भालाफेक-F46 फायनलमध्ये 68.60 मीटर फेक करून सुंदर सिंगने आणखी एक विश्वविक्रम मोडला आणि सुवर्णपदक जिंकले.
पॅरालिम्पिक चॅम्पियन सुमित अंतिलने बुधवारी F64 भालाफेक स्पर्धेत एक नवीन विश्वविक्रम नोंदवला आणि सुवर्णपदक जिंकले. पंचवीस वर्षीय सुमितने 73.29 मीटर भालाफेकत सुवर्णपदक जिंकले. त्याने स्वतःचा 70.83 मीटरचा विश्वविक्रम सुधारला.
जे त्याने यावर्षी पॅरिसमध्ये झालेल्या जागतिक पॅरा अॅथलेटिक्स चॅम्पियनशिपमध्ये सुवर्णपदक जिंकताना केला होता. याच स्पर्धेत आणखी एक भारतीय पुष्पेंद्र सिंगने 60.06 भालाफेकत कांस्यपदक जिंकले.
सुमितने टोकियो पॅरालिम्पिकच्या पुरुष भालाफेक F64 स्पर्धेत 68.55 मीटरच्या प्रयत्नात सुवर्णपदक जिंकले होते, जो तत्कालीन विश्वविक्रम होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.