Australia South Africa Tour India In September BCCI announce
Australia South Africa Tour India In September BCCI announceesakal

Paytm Home Series: सप्टेंबरमध्ये दक्षिण आफ्रिका - ऑस्ट्रेलिया करणार भारत दौरा

मुंबई : बीसीसीआयने ऑस्ट्रेलिया आणि दक्षिण आफ्रिका भारताचा दौरा करणार असल्याचे जाहीर केले. बीसीसीआयने या दोन दौऱ्याचे वेळापत्रकर प्रसिद्ध केले असून सप्टेंबर महिन्यात भारत आणि ऑस्ट्रेलिया यांच्यात टी 20 मालिका होणार आहे. त्यानंतर लगचेच दक्षि आफ्रिका तीन सामन्यांची टी 20 आणि एकदिवसीय मालिका खेळण्यासाठी भारतात येईल. या मालिका ऑस्ट्रेलियात ऑक्टोबर महिन्यात होणाऱ्या टी 20 वर्ल्डकपपूर्वी होणार आहेत. त्यामुळे संघाचा वर्ल्डकपपूर्वी चांगला सराव होणार आहे.

ऑस्ट्रेलियाचा भारत दौरा (Australia Tour Of India)

ऑस्ट्रेलियाचा भारत दौरा 20 सप्टेंबरपासून सुरू होणार आहे. या दौऱ्यात ऑस्ट्रेलियाचा संघ तीन टी 20 सामने खेळणार आहे. पहिला टी 20 सामना 20 सप्टेंबरला मोहालीत होणार असून दौऱ्यातील दुसरा टी 20 सामना हा 23 सप्टेंबरला नागपूरमध्ये होणार आहे. या दौऱ्यातील शेवटचा आणि तिसरा टी 20 सामना रविवारी 25 सप्टेंबरला हैदराबाद येथे होईल.

दक्षिण आफ्रिकेचा भारत दौरा (South Africa Tour Of India)

ऑस्ट्रेलियाने भारताचा दौरा केल्यानंतर लगेचच तीन दिवसात दक्षिण आफ्रिका भारतासोबत तीन टी 20 आणि तीन वनडे सामन्यांची मालिका खेळणार आहे. टी 20 मालिकेतील पहिला टी 20 सामना 28 सप्टेंबरला तिरूवअनंतपुरम येथे खेळवला जाईल. तर दुसरा टी 20 सामना 2 ऑक्टोबरला गुवाहाटीत तर तिसरा टी 20 सामना 4 ऑक्टोबरला इंदौरमध्ये होईल.

दक्षिण आफ्रिकेच्या भारत दौऱ्यात तीन सामन्यांची वनडे मालिका देखील होणार आहे. या मालिकेतील पहिला सामना 6 ऑक्टोबरला लखनौमध्ये तर दुसरा सामना 9 ऑक्टोबरला रांचीत होईल. 11 ऑक्टोबरला दिल्लीत तिसरा वनडे सामना खेळवत मालिकेची सांगता करण्यात येणार आहे. त्यानंतर 16 ऑक्टोबरपासून ऑस्ट्रेलियात टी 20 वर्ल्डकप सुरू होईल.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com