Tokyo Paralympics : अवनी लेखाराची 'सुवर्ण' कामगिरी

Tokyo Paralympics : टोकियो पॅरालिंपिक स्पर्धेत अवनी लेखारा हिने सुवर्ण कामगिरी करत भारताला गोल्ड पदक मिळवून दिलं आहे. 10 मिटर्स एअर रायफल स्पर्धेत अवनी लेखारा हिने सुवर्णपदकाची कमाई केली. तर थाळीफेक स्पर्धेत योगेश कथुनिया याने रौप्य पदक पटकावलं आहे. रविवारी तीन आणि आज सकाळी दोन अशी टोकिओ पॅरालिंपिक स्पर्धेत आतापर्यंत भारताने पाच पदके पटकावली आहेत.

टोकियो पॅरालिंपिक स्पर्धेत भारताने पाच पदकं जिंकत २०१६ च्या रिओ पॅरालिंपिकमधील आपल्या कामगिरीला मागे टाकले आहे. २०१६ च्या रिओ पॅरालिंपिकमध्ये भारतानं चार पदकं जिंकली होती. यंदा भारतासाठी पदकाची सुरुवात भाविना पटेल यांनी टेबल टेनिसपासून केली. त्यानंतर निशाद कुमार यांनी उंच उडीत तर विनोद कुमार यांनी थाळी फेकमध्ये पदक मिळवलं होतं. यामध्ये अवनी लेखारा हिने गोल्ड पदक आणि योगेश कथुनिया याने रौप्य पदक जिंकलं आहे.

पंतप्रधान नरेंद्र मोदी यांनी अवनी लेखाराच्या या कामगिरीचं कौतुक केलं आहे.