Pune Half Marathon 2022 : पुणे हाफ मॅरेथॉनमध्ये 'या' दिग्गजांनी मारली बाजी!

Pune Half Marathon 2022 : 'आरोग्याचा जागर. धावण्याची जिगर' प्रदर्शित करीत पहिले पुष्प गुंफलेली, दुसऱ्या अध्यायात तन-मन-धन 'अपंत 'फन रन' अशी मौजमजा लुटणारे चित्र साकारलेली बजाज अलियान्झ पुणे हाफ मॅरेथॉन रविवारी तिसरा अध्याय साकारला आहे. म्हाळुंगे-बालेवाडी येथील श्री शिवछत्रपती क्रीडा संकुलाच्या मुख्य स्टेडियमवर प्रारंभ आणि सांगता होणाऱ्या हाफ मॅरेथॉनसह चार गटांमध्ये हजारो पुणेकरांनी उत्स्फूर्त सहभाग नोंदविला. स्पर्धकांना पालकमंत्री चंद्रकांत पाटील निशाण दाखवतील आणि दोन वर्षांच्या खंडानंतर तिसऱ्या स्पर्धेला जोशात प्रारंभ झाला.

या स्पर्धेत या वेळी राष्ट्रीय विक्रमासाठी पुरुष आणि महिला अशा दोन्ही गटांमध्ये प्रत्येकी पाच लाख रुपयांचे खास बक्षीस ठेवण्यात आले होते. स्पर्धेचा पहिला अध्याय 2018 मध्ये पार पडला होता. त्यानंतर 2019 मध्ये दुसरी स्पर्धा झाली. कोरोनामुळे दोन वर्षांचा खंड पडल्यानंतर या वेळी संयोजकांनी जय्यत तयारी केली आहे. यंदा मुख्य स्टेडियमवर प्रारंभ आणि सांगता होणार आहे. त्या वेळी धावपटूंना प्रोत्साहन देण्यासाठी हजारो पुणेकर उपस्थित राहतील. त्यासाठी मुख्य स्टेडियम सुसज्ज करण्यात आले आहे. स्पर्धेच्या मार्गावरील रस्त्यांची सफाई आणि सुशोभीकरण पार पडले आहे. धावपटूंसाठी ठिकठिकाणी संयोजकांनी ढोल-ताशा पथकांची व्यवस्था केली होत.

पुणे हाफ मॅरेथॉनमध्ये विजयी झालेल्या स्पर्धकांची नावे :

• 21 किलोमीटर धावणे : पुरुष

  दीपक रावत

  दीपक कुंभार

  हुकाम सिंग

• 21 किलोमीटर धावणे : महिला

  रेश्मा दत्तू

  नंदिनी गुप्ता

  कविता यादव

• 10 किलोमीटर धावणे : पुरुष

  रोहित वर्मा

  श्रीनू बुगठा

  अंकित देशवाल

• 10 किलोमीटर धावणे : महिला

  शशीलता ठाकूर

  अर्पिता साईनी

  ज्योती चौहान

• 5 किलोमीटर धावणे : पुरुष

  धुरादेव गारगे

  तेजस पवार

  अक्षय चौहान

• 5 किलोमीटर धावणे : महिला

  श्रुती रेडेकर

  रोहिणी पाटिल

  गायत्री शिंदे