Commonwealth Games 2022 : भारतीय संघाची लागणार कस; ऑस्ट्रेलियाशी रंगणार सामना | Sakal
sakal

बोलून बातमी शोधा

IND-W vs AUS-W Commonwealth Games 2022

Commonwealth Games 2022: भारतीय संघाची लागणार कस; ऑस्ट्रेलियाशी रंगणार सामना

IND-W vs AUS-W Commonwealth Games 2022 : राष्ट्रकुल स्पर्धेत 24 वर्षांनंतर महिलांच्या टी-20 सामान्यांनी स्पर्धेत क्रिकेटचे पुनरागमन होते आहे आणि पहिलीच लढत ऑस्ट्रेलिया आणि भारत संघांदरम्यान होणार आहे. ऑस्ट्रेलिया आणि भारतीय मंडळांनी या प्रसंगाचे औचित्य लक्षात घेऊन संपूर्ण ताकदीचे संघ स्पर्धेत उतरवले असल्याने सामने रंगणार, अशी आशा निर्माण झाली आहे.

हेही वाचा: Commonwealth Games: पहिल्याच दिवशी भारत-पाकिस्तान भिडणार; पहा संपूर्ण शेड्यूल

‘भारतीय संघ इंग्लंडला येऊन मित्रत्वाचे सामने खेळून आणि सराव करून स्पर्धेकरिता सज्ज झाला आहे. ऑस्ट्रेलियन संघ चांगलाच तगडा आहे आणि आमची परीक्षा बघितली जाणार आहे. आमची सर्व ताकद या सामन्यामागे लागेल आणि जर सर्वोत्तम खेळ केला तरच ऑस्ट्रेलियन संघाला पराभवाचा धक्का आम्ही देऊ शकतो याची आम्हाला कल्पना आहे,’ असे भारतीय संघाची कप्तान हरमनप्रीत कौर सामन्याअगोदर पत्रकारांशी बोलताना म्हणाली.

हेही वाचा: CWG 2022 : 'हे' खेळाडू भारताला मिळवून देऊ शकतात सुवर्ण पदक

ऑस्ट्रेलियन संघाचे नेतृत्व अनुभवी आणि दमदार खेळाडू मेग लॅनिंग करणार आहे. भाताची फलंदाजी कदाचित ऑस्ट्रेलियन संघाच्या तोडीस तोड कामगिरी करू शकते; पण गोलंदाजीच्या प्रांतात ऑस्ट्रेलियन संघ भारतीय माऱ्यापेक्षा चांगलाच मजबूत आहे. बिग बॅश लीग खेळून ऑस्ट्रेलियन संघातील खेळाडू टी-20 क्रिकेट खेळण्याच्या बाबतीत तरबेज असल्याने खरे सांगायचे झाले तर त्यांची बाजू वरचढ वाटते. स्मृती मानधना आणि कप्तान हरमनप्रीत कौरला फलंदाजी करताना जबाबदारी पेलून खूप मोठी धावसंख्या उभारण्याचे आव्हान खुणावत आहे. भारतीय संघाच्या यशाचा तोच एक राजमार्ग दिसतो आहे.

Web Title: Commonwealth Games 2022 Ind W Vs Aus W Group India Check Schedule Date And Time Sports

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..