बर्मिंगहॅम ठरले भारत पाकिस्तानच्या खेळाडूंसाठी 'सुवर्ण' मैदान| Commonwealth Games 2022 | Sakal
sakal

बोलून बातमी शोधा

Pakistan, India fans praise Nooh, Gurdeep after Commonwealth triumph

बर्मिंगहॅम ठरले भारत पाकिस्तानच्या खेळाडूंसाठी 'सुवर्ण' मैदान

बर्मिंगहॅम येथे सुरू असलेल्या राष्ट्रकुल क्रीडा स्पर्धेत पाकिस्तानने पहिल्यांदाच सुवर्ण पदकावर नाव कोरले आहे. पाकिस्तानचा वेटलिफ्टर मुहम्मद नूह बटने ४०५ किलो वजन उचलून सुपर्ण कामगिरी केली. राष्ट्रकुल 2022 मधील कोणत्याही प्रकारात पाकिस्तानचे हे पहिले सुवर्णपदक आहे. तर भारताच्या गुरदीप सिंगने १०९ किलो वरील गटात एकूण ३९० किलो वजन उचलले आणि कांस्यपदक पटकावले. त्यानंतर पाकिस्तानसह भारतीयांनीदेखील मुहम्मद नूह बटचे कौतुक केले आहे. इतकेच नव्हे तर पाकिस्ताननेदेखील गुरदीप सिंगचे कौतुक केले.(Commonwealth Games 2022 Pakistan, India fans praise Nooh, Gurdeep after Commonwealth triumph)

हेही वाचा: AsiaCup 2022 पूर्वी हिटमॅन रोहितचा अनोखा अंदाज, प्रोमो झाला व्हायरल

नूह बटने पहिल्या स्नॅच राऊंडमध्ये १७३ किलो वजन उचलले आणि दुसऱ्या क्लिन एंड जर्क राऊंडमध्ये २३२ किलोचे वजन उचलत पहिले स्थान पटकावले.

पाकिस्तानसाठी पहिले सुवर्णपदक जिंकल्यानंतर पाकिस्तानमध्ये जल्लोष साजरा करण्यात आला. पंतप्रधान शाहबाज शरीफ यांनी बटचे अभिनंदन केले आणि देशासाठी हा अभिमानाचा क्षण असल्याचे म्हटले आहे. नेटकऱ्यांनीदेखील त्याचे कौतुक केले आहे.

हेही वाचा: CWG 2022 DAY 7 LIVE: हिमा दास 200 मीटर शर्यतीत उपांत्य फेरीत; 'बॉक्सिंग' मधून पदकाची आशा

इतकेच नव्हे तर पाकिस्तानच्या नेटकऱ्यांनी बट आणी गुरदीप या दोघांचेही कौतुक केले आहे. एक नेटकऱ्याने दोघांचा फोटो शेअर करत अरशद नदीम आणि नीरच चौप्राची आठवण आली असल्याचे म्हटले आहे.

तसेच भारतीयांनीदेखील ट्विट करत दोघांचे कौतुक केले आहे. सोशल मीडियावर दोन्ही देशातील मैत्री पाहायला मिळाली.

ऐतिहासिक विजयानंतर बटने आपले पदक वडिलांना समर्पित केले. त्यांच्या १२ वर्षाच्या मेहनीतीमुळे मी यश प्राप्त करु शकलोय. अशी भावना बटने व्यक्त केली आहे.

पंजाबमधील खन्नाजवळील माजरी रसुलरा गावातील २६ वर्षीय शेतकऱ्याचा मुलगा असलेल्या गुरदीप सिंगने पोडियम फिनिशसाठी ३९०kg (१६७kg+ २२३kg) साठी सर्वोत्तम प्रयत्न केले आणि हेवीवेट प्रकारात भारताला पहिले पदक मिळाले. आपल्या २२३ किलो क्लीन अँड जर्कच्या प्रयत्नाने सिंगने वैयक्तिक सर्वोत्तम कामगिरी केली आणि स्वतःचा राष्ट्रीय विक्रमही लिहिला आहे.

Web Title: Commonwealth Games 2022 Pakistani Weightlifter Nooh Dastagir Butt Wins First Gold Social Media Reaction

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :sports