Commonwealth Games 2030: कबड्डी-खो खोला जागतिक मंचावर संधी? राष्ट्रकुल 2030 साठी मोठी घोषणा!

नवी दिल्ली : भारतामध्ये २०३०मध्ये राष्ट्रकुल क्रीडा स्पर्धांचे आयोजन करण्यात येणार आहे. या प्रतिष्ठेच्या क्रीडा स्पर्धेमध्ये क्रिकेट व हॉकी या खेळांसह महाराष्ट्राच्या मातीतील खेळांना प्राधान्य देण्यात येणार आहे. कबड्डी, खो-खो, मल्लखांब आणि योग या चारपैकी दोन मातीतील खेळांचा समावेश राष्ट्रकुल क्रीडा स्पर्धेमध्ये करण्यात येणार आहे. केंद्रीय क्रीडामंत्री मनसुख मांडवीय यांच्याकडून सोमवारी याबाबतची माहिती देण्यात आली.