IND vs AUS Brisbane Test : भारतीय संघाने अॅडिलेड कसोटीत पराभव पत्कारल्यानंतर भारतीय खेळाडू १४ डिसेंबरपासून सुरू होणाऱ्या गाबा कसोटीसाठी सज्ज झाले आहेत. २०२१ मध्ये भारताने बॉर्डर गावस्कर मालिकेतील अंतिम सामन्यात या मैदानावर ऐतिहासिक विजय मिळवला होता. अजिंक्य रहाणेच्या नेतृत्वाखाली भारताने ऑस्ट्रेलियाला पहिल्यांदा गाबा, ब्रिस्बेनमध्ये पराभवाची धूळ चारली होती. ज्यामध्ये ऋषभ पंत सामन्याचा हिरो ठरला होता. तर मोहम्मद सिराजने उल्लेखनीय कामगिरी केली होती.