लॉडरहिल : वेस्ट इंडीजने रविवारी पाकिस्तान संघावर दोन विकेट राखून रोमहर्षक विजय मिळवला. जेसन होल्डरने शाहीन शाह आफ्रिदी टाकत असलेल्या अखेरच्या षटकातील अखेरच्या चेंडूवर चौकार मारत यजमान वेस्ट इंडीज संघाला थरारक विजय मिळवून दिला व तीन सामन्यांच्या टी-२० मालिकेत १-१ अशी बरोबरी साधली. १९ धावा देत चार फलंदाज बाद करणारा व नाबाद १६ धावांची खेळी साकारणारा जेसन होल्डर सामन्याचा मानकरी ठरला.